Pyjter godo: Hica w Katowicach i jedyne derby w Ekstraklasie

Dzioło się u nos bes te pora dni...zaczna może od tego jak gorko boło w Katowicach w sobota. Kupa radochy mieli kibice GieKSy, bo chopcy wygrali szpil i wleźli na pierwszy plac w tabeli, a tego w Katowicach od lot nikt nie widzioł, drugo rzecz, że połowa kibiców GKS-u tego ani nie wiedziała, bo czekali na kibiców Ruchu pod Spodkiem. Po co? Tego chyba łone sami nie wiedzom...w Spodku w sobota była gala MMA i jo się zastanawiom czemu organizator zamiast wołać gliniorzy to nie zrobioł relacji live z tej haji, policja mogła ino ich otoczyć, a te w środku niech sie pierom do ostatniego żywego. Przeca to by boło lepsze niż kożdo jedna gala, a tak to ino bajzel sie zrobioł, ludzie nie wiedzieli kaj sie włazi, policja i ochrona tez nic nie wie i cało w strachu, że zarozki ktoś im naklupie...a samo gala FEN? No co moga pedzieć, widzioł żech lepsze, ale widzioł żech gorsze, mie ino wnerwio, że tam do wagi ciężkiej wsadzili normalnych amatorów, jeden sie boł szlagów, drugi klepoł zarozki jak go chop chycił za gowa, normalnie kalectwo, na szczynscie potym boło lepij i już naprowdy dobre walki szło zoboczyć, jo boł rod, że taki fajny synek - Kamil Jenel ze Rudy wygroł, fajnie, że normalnie do kamery na Polsacie godo po naszymu, takich swoich chopców lubia. Fajnie wygroł tyż Hadaś, zoboczycie, że to bydzie kiedyś gwiazda. Tak wróca do fussbalu, tyż w sobota derby Śląska w Ekstraklasie, sie myśla fajnie, derby zawsze dobre, ale tak po chwili sie myśla: przeca to jedyne derby w tym sezonie...tak źle to u nos chyba jeszcze nie boło. Derby Piast - Ruch to fajne szpile, ale jak sie kogoś spytać co to są Derby Ślaska to kożdy powie Ruch - Górnik i tako prowda. W 1 lidze tyż były "małe derby" Tychy - Podbeskidzie, GKS u siebie wygroł już z Katowicami, wygroł z Górnikiem, ale z Podbeskidziem już przegroł. Za chwila z tymi derbami może być gorzyj, bo jak sie zoboczy na tabele...Ruch przedostatni, Piast ino trocha wyżyj, w 1 lidze GKS fajnie idzie, ale Górnik kajś sie szlajo w środku tabeli, Podbeskidzie to samo, Tychy kajś na dole, no nie jest dobrze, pamiętom kiedyś to sie nawet ino tabela Ślonskich klubów robiło co by wiedzieć fto panuje w regionie, a teroz? Wstyd i gańba... także chopy biercie sie do roboty i pokożcie, że u nos jest jeszcze dobry fussbal!

                                                                                                                                               Pyrsk!