Otwarcie stadioniu GKS Tychy oczami Pyjtra
20.07.2015
Od soboty trocha czasu minyło, ale musioł żech sie siednąć, dychnąć i sie to przemyśleć co by gupot wom nie szkryflać. W Tychach był żech od rana co bych nic nie stracił, nie żałowoł że żech coś przegapił. Opisza wom wszystko po kolei.
Przyjeżdżom do Tychów
Szpil mioł sie zacząć o 15:30, a wszystkie imprezy kajś godzina przed szpilem, ale jo sie wymyślił, że byda w Tychach już od 12. Spaceruja sie tak po mieście i co? No i właśnie nic : cisza, spokój nic sie nie dzieje...spodziewołch sie, że w samym mieście tyż bydom jakieś imprezy czy coś, a sam nic. Sie myśla że może jo coś przeonacył, że to może za tydzień. To sie spytom ludzi może oni coś wiedzą, ale nie byda dosłowny i sie pytom piękną polszczyzną : "Przepraszam, czy dziś w Tychach coś się dzieje"? Na 10 spytanych ino 6 mi pedziało, że jest otwarcie stadionu. Dziwne, ale zarozki żech sie dowiedzioł czemu tak było. Pod stadionem był żech przed 13, a tam już kupa ludzi. To już wiem czemu na mieście tak cicho i nie kożdy wie o imprezie, bo kożdy co sie trocha interesowoł już był pod stadionem. Niekiere próbowali jeszcze bilety jakieś dostać, kibice tyż swoje rzeczy szykowali żeby kibicowsko tyż sie pokozać. No nic co byda w tej hicy stoł, klara ciulo i sie jeszcze spola. Właża na stadion.
Na stadionie
Właża a na korytarzach normalnie czuć nowym. Dosłownie! Nowość nojlepij było widać na butach bo, chyba dzień przed szpilem skończyli szlifować gładzie. No ale sie nie byda czepiać takich gupot bo ważne, że na czas stadion zbudowali. I to jak zbudowali! Stadion elegancki, dużo sie czytało, że to bydzie "najpiękniejszy obiekt na Górnym Śląsku", jo tam średnio w takie zapowiedzi wierza, ale tu na prowdy tak jest! To gogom jo Pyjter. W Tychach jest nojlepszy stadion na Śląsku! Nowoczesny i elegancki. Widoczność z trybun - super, telebimy, nagłośnienie - wszystko na nojlepszym poziomie. Większość kibiców nie mogła sie pozwiedzać tak jak jo, to wom napisza, że zaplecza do VIPów i mediów som fest eleganckie. Wyglondo to tam nie gorzyj niż w niejednym hotelu. Wolontariusze i hostessy dbały co by nikomu nic nie brakło. Szacun! Do 14:00 żech sie tak szwędoł po stadionie, podjadoł, i tak dalyj, ale w końcu na murawie coś sie zaczyno dzioć. Na początek ksiądz stadion poświęcił i sie wszyscy pomodlili. Potym na murawa wyszli chopy co grali z Koln w 1976r. Dwumecz wtedy przegrali, ale Koln wtedy miało fest ekipa. W Niemcach GKS przegroł 0-2, a w rewanżu na Śląskim boł remis 1-1. Potym na murawa wyszła tako fajno frelka : Agnieszka Latusek, pośpiewała trocha, muzyka może nie tako jak jo słuchom, ale większości sie podobało. Do szpilu jeszcze chwila. Pokozali sie mode piłkarze z Tychów i za chwila szpil.
O samym szpilu nie ma co sie za bardzo rozpisywać. Takie to było granie wasz plac na nasz plac byle sie krzywdy nie zrobić. Na początku GKS trocha przycis i mogli nawet brama strzelić, ale nie nie udało. To sie Niemcy wnerwili i trocha ruszli do przodku, jeszcze w pierwszej połowie mieli elwer. Elwer to jeszcze nie tor. Kapitan Koln nie trefił w brama i do przerwy 0-0. W drugiej połowie Koln w końcu brama strzeliło i sie skończyło 0-1. Szkoda, że na otwarcie stadionu pierwszo brama strzelił Japończyk, a nie Polok. Więcej sie dzioło na trybunach : kibice od początku ryceli, fany mieli i w końcu race odpolili. Jo wiem że to je zabronione, ale za to jak wyglondo! Race w kolorach klubu! No fest to wyglądało! Jo jest za tym żeby race były legalne. Jo wiem że przez ten dym czasem bali nie widać, ale może to u nos i lepij? Szacun do kibiców Tychów, że sie tak zaprezentowali. Szpil sie skończył, - jada do dom.
Na koniec
Co tu dożo godać. Pikny stadion zbudowali, super impreza zrobili, nic ino pozazdrościć. Szkoda, że terozki tukej bydzie ino 2 liga. Na takim stadionie powinna być co najmnij ekstraklasa. Tego całym Tychom życza!
Przyjeżdżom do Tychów
Szpil mioł sie zacząć o 15:30, a wszystkie imprezy kajś godzina przed szpilem, ale jo sie wymyślił, że byda w Tychach już od 12. Spaceruja sie tak po mieście i co? No i właśnie nic : cisza, spokój nic sie nie dzieje...spodziewołch sie, że w samym mieście tyż bydom jakieś imprezy czy coś, a sam nic. Sie myśla że może jo coś przeonacył, że to może za tydzień. To sie spytom ludzi może oni coś wiedzą, ale nie byda dosłowny i sie pytom piękną polszczyzną : "Przepraszam, czy dziś w Tychach coś się dzieje"? Na 10 spytanych ino 6 mi pedziało, że jest otwarcie stadionu. Dziwne, ale zarozki żech sie dowiedzioł czemu tak było. Pod stadionem był żech przed 13, a tam już kupa ludzi. To już wiem czemu na mieście tak cicho i nie kożdy wie o imprezie, bo kożdy co sie trocha interesowoł już był pod stadionem. Niekiere próbowali jeszcze bilety jakieś dostać, kibice tyż swoje rzeczy szykowali żeby kibicowsko tyż sie pokozać. No nic co byda w tej hicy stoł, klara ciulo i sie jeszcze spola. Właża na stadion.
Na stadionie
Właża a na korytarzach normalnie czuć nowym. Dosłownie! Nowość nojlepij było widać na butach bo, chyba dzień przed szpilem skończyli szlifować gładzie. No ale sie nie byda czepiać takich gupot bo ważne, że na czas stadion zbudowali. I to jak zbudowali! Stadion elegancki, dużo sie czytało, że to bydzie "najpiękniejszy obiekt na Górnym Śląsku", jo tam średnio w takie zapowiedzi wierza, ale tu na prowdy tak jest! To gogom jo Pyjter. W Tychach jest nojlepszy stadion na Śląsku! Nowoczesny i elegancki. Widoczność z trybun - super, telebimy, nagłośnienie - wszystko na nojlepszym poziomie. Większość kibiców nie mogła sie pozwiedzać tak jak jo, to wom napisza, że zaplecza do VIPów i mediów som fest eleganckie. Wyglondo to tam nie gorzyj niż w niejednym hotelu. Wolontariusze i hostessy dbały co by nikomu nic nie brakło. Szacun! Do 14:00 żech sie tak szwędoł po stadionie, podjadoł, i tak dalyj, ale w końcu na murawie coś sie zaczyno dzioć. Na początek ksiądz stadion poświęcił i sie wszyscy pomodlili. Potym na murawa wyszli chopy co grali z Koln w 1976r. Dwumecz wtedy przegrali, ale Koln wtedy miało fest ekipa. W Niemcach GKS przegroł 0-2, a w rewanżu na Śląskim boł remis 1-1. Potym na murawa wyszła tako fajno frelka : Agnieszka Latusek, pośpiewała trocha, muzyka może nie tako jak jo słuchom, ale większości sie podobało. Do szpilu jeszcze chwila. Pokozali sie mode piłkarze z Tychów i za chwila szpil.
O samym szpilu nie ma co sie za bardzo rozpisywać. Takie to było granie wasz plac na nasz plac byle sie krzywdy nie zrobić. Na początku GKS trocha przycis i mogli nawet brama strzelić, ale nie nie udało. To sie Niemcy wnerwili i trocha ruszli do przodku, jeszcze w pierwszej połowie mieli elwer. Elwer to jeszcze nie tor. Kapitan Koln nie trefił w brama i do przerwy 0-0. W drugiej połowie Koln w końcu brama strzeliło i sie skończyło 0-1. Szkoda, że na otwarcie stadionu pierwszo brama strzelił Japończyk, a nie Polok. Więcej sie dzioło na trybunach : kibice od początku ryceli, fany mieli i w końcu race odpolili. Jo wiem że to je zabronione, ale za to jak wyglondo! Race w kolorach klubu! No fest to wyglądało! Jo jest za tym żeby race były legalne. Jo wiem że przez ten dym czasem bali nie widać, ale może to u nos i lepij? Szacun do kibiców Tychów, że sie tak zaprezentowali. Szpil sie skończył, - jada do dom.
Na koniec
Co tu dożo godać. Pikny stadion zbudowali, super impreza zrobili, nic ino pozazdrościć. Szkoda, że terozki tukej bydzie ino 2 liga. Na takim stadionie powinna być co najmnij ekstraklasa. Tego całym Tychom życza!
Polecane
II liga
