Liga po naszymu
05.10.2015
Kolejka momy na remis bo nasze manszafty jeden szpil przegrali, jeden wygrali, a dwa zremisowali. Byda pisoł po kolei co byście mie o stronniczość nie posądzili. Pirszy szpil w piątek :
Ruch - Pogoń 0-2
No i co...o tym szpilu to chyba tyla styknie. Tyla sie nagodali że terozki już koncentracja, cisnemy od początku i rzic kominiorzowo. 23 minuty i już 0-1. Chocioż w sumie to jest trocha lepij. Z Legią to już było 0-3. Tak poważnie to sie nie ma co śmioć ino trzeba sie do roboty brać. Po derbach było klepanie po plecach i sie niekierym wydowało że terozki szpile sie same wygrajom. Przed sezonem jakby ktoś pedzioł kibicom Ruchu, że po 11 szpilach bedziecie mieć 8 punktów wiencyj od Lecha to by było : "Jaaaaaa na Majstra idemy!" Także nie ma co sie na innych oglądać ino tyrać, słuchać Waldka i bydzie lepij.
Korona - Podbeskidzie 0-0
Podbeskidzie zmieniło trenera i zaczyno poleku zbierać punkty. Jo by woloł żeby trener dłużej robił w klubie ale tukej musieli coś zmienić. W szpilu z Koroną, "Górole" mieli lekko przewaga, ale na co im to jak na brama nie strzelali. Za to Korona strzelała i gdyby nie Zubas to by Podbeskidzie dostało klepy. Także tu nie łazi o to żeby mieć bala, ino żeby bramy szczylać.
Piast - Wisła 1-0
To co sie robi w Gliwicach to je szał. Wszyscy godajom : "aaa tam zaroz Piast przegro trzi z rzędu i sie skonczy rumakowanie", a one sie nie przejmujom ino robiom swoje. Na początku dali pograć Wiśle, potem ruszyli po swoje i zaś wygrali. Neszpor elegancki napadzior, jak on sie poskładoł przy tej bramie to jo nie wiem. Cały Piast - brawo. Jo Ślonzok jest z wos dumny! Oby tak dalej!
Górnik - Legia 2-2
W sumie jo tu powinien napisać Górnik - Nikolić 2-2, bo gdyby nie on to Górnik by wygroł. Coś tam tyż zaczyno sie ruszać w grze Górnika, dwa razy prowadzili i naprowdy byli blisko co by warszawiokom wklupać. Po kontuzji wraco Sobolewski i od razu gra sie jakos układo, widac ambicja i tyranie po boisku. Strach sie boć co sie stanie jak "Sobola" zaś braknie. Fajny szpil, ino szkoda że w pierwszej połowie, bo w drugij to juz trocha nuda. Legia sie nie chciała męczyc, a Górnik sie boł zaatakować.
Ruch - Pogoń 0-2
No i co...o tym szpilu to chyba tyla styknie. Tyla sie nagodali że terozki już koncentracja, cisnemy od początku i rzic kominiorzowo. 23 minuty i już 0-1. Chocioż w sumie to jest trocha lepij. Z Legią to już było 0-3. Tak poważnie to sie nie ma co śmioć ino trzeba sie do roboty brać. Po derbach było klepanie po plecach i sie niekierym wydowało że terozki szpile sie same wygrajom. Przed sezonem jakby ktoś pedzioł kibicom Ruchu, że po 11 szpilach bedziecie mieć 8 punktów wiencyj od Lecha to by było : "Jaaaaaa na Majstra idemy!" Także nie ma co sie na innych oglądać ino tyrać, słuchać Waldka i bydzie lepij.
Korona - Podbeskidzie 0-0
Podbeskidzie zmieniło trenera i zaczyno poleku zbierać punkty. Jo by woloł żeby trener dłużej robił w klubie ale tukej musieli coś zmienić. W szpilu z Koroną, "Górole" mieli lekko przewaga, ale na co im to jak na brama nie strzelali. Za to Korona strzelała i gdyby nie Zubas to by Podbeskidzie dostało klepy. Także tu nie łazi o to żeby mieć bala, ino żeby bramy szczylać.
Piast - Wisła 1-0
To co sie robi w Gliwicach to je szał. Wszyscy godajom : "aaa tam zaroz Piast przegro trzi z rzędu i sie skonczy rumakowanie", a one sie nie przejmujom ino robiom swoje. Na początku dali pograć Wiśle, potem ruszyli po swoje i zaś wygrali. Neszpor elegancki napadzior, jak on sie poskładoł przy tej bramie to jo nie wiem. Cały Piast - brawo. Jo Ślonzok jest z wos dumny! Oby tak dalej!
Górnik - Legia 2-2
W sumie jo tu powinien napisać Górnik - Nikolić 2-2, bo gdyby nie on to Górnik by wygroł. Coś tam tyż zaczyno sie ruszać w grze Górnika, dwa razy prowadzili i naprowdy byli blisko co by warszawiokom wklupać. Po kontuzji wraco Sobolewski i od razu gra sie jakos układo, widac ambicja i tyranie po boisku. Strach sie boć co sie stanie jak "Sobola" zaś braknie. Fajny szpil, ino szkoda że w pierwszej połowie, bo w drugij to juz trocha nuda. Legia sie nie chciała męczyc, a Górnik sie boł zaatakować.
Polecane
Ekstraklasa
Przeczytaj również
07.08.2022
07.08.2022
Główka Paluszka metodą na wicemistrzów
