FELIETON : Pyjter godo!

26.06.2015
Pyjter znów postanowił dla was napisać. O czym tym razem skoro polskie ligi nie grają? Ano właśnie o tym.
Rafał Rusek/Press Focus
To już trzy tydnie bez ligi. Przez to żech je trocha zmierzły...pewnie kożdy kibic mo to samo. W doma siedza, powadza się z babom i tyla z tego życia... Jak żech na szpile nie łaził to żech ani nie wiedziol kiedy sie liga zaczyno a kiedy kończy. Terozki tak żech się wkręcił, że normalnie tęsknia za szpilami. Co jo mom tera robić w weekendy? Pójda się na ogródek albo na spacer, do knajpy - pora złocistych z piankom sie walna i do dom. Co to za rozrywka? Jo sie teroz dopiero uświadomił jaki jo był przez te lata nieszczęśliwy. Jak jo mógł nie łazić na szpile?

Niby kajś tam grajom jakieś Copa America, niby fajnie chopcy lotajom, niby lepij grajom od naszych fuzbaloków ale radochy z tego ni ma. To sie jadnak w doma oglondo, a nie na stadionie, a cało radocha to właśnie być tam w środku zamieszania. Jeszcze sie tam ostatnio po rziciach macajom...co to mo być? Moja loto mi przed ekranem, rycy że terozki ino fuzbal mie interesuje. Co mie mo interesować jak nie fuzbal? Znaloz żech sie pasja i tyla.

Terozki ino wszedzie piszom kaj ten odłazi, kaj tamten, kto przyłazi i wiela bydzie zarabioł. Szczerze to mie średnio interesuje kto w mojej drużynie gro, byle lotoł tam i nazot i sie staroł. Niekiere to czasami jakby mieli kapsy w galotach to by sie tam rece wrazili i stoli cały szpil. Tak w ogóle jak słysza wiela te fuzbalery piniendzy dostowajom to mie oczy z orbit wyłażom. Klub takiemu daje 20tys. na miesiąc a ten pado, że za takie drobne grać nie bydzie...chopie niekiere cały rok tyrajom do roboty co by tyla zarobić! aaaa tam, w sumie jo im do kapsów patrzeć nie byda, przeca nie jo im płaca. Jo ino chca żeby tyrali na boisku, a jo byda ryceć na trybunie co by im trocha pomóc w wygrywaniu szpili. 

Dobrze, że przerwa jest tako krótko i już za niedługo kożdy z nos bydzie zaś mógł iść na szpil. Jo ida! Do czego i wos zachyncom bo naszo liga jest trocha jak taki stary kundel – niby to rzadne i trocha capi, ale i tak to kochomy!
autor: Pyjter

Przeczytaj również